تاجیکستان میگوید پنج نفر در حملات مرزی افغانستان کشته شدهاند
امامعلی رحمان اوف، رئیس جمهور تاجیکستان، پس از دو حمله مرگبار از افغانستان، از جمله حمله بوسیله ای طیاره ای بدون سرنشین که منجر به کشته شدن سه شهروند چینی شد، با روسای امنیتی این کشور جلسهای برگزار کرد
سرویس مطبوعاتی ریاست جمهوری تاجیکستان روز دوشنبه گزارش داد که در دو حمله انجام شده از افغانستان در هفته گذشته، پنج نفر کشته و پنج نفر زخمی شدهاند.
تاجیکستان، یک جمهوری کوهستانی شوروی سابق با تقریباً ۱۱ میلیون نفوسش، روابط خود را با مقامات طالبان در افغانستان تیره کرده است.
مقامات تاجیک که قبل از این در مورد قاچاقچیان مواد مخدر و معدنچیان غیرقانونی طلا که در امتداد مرز دورافتاده فعالیت میکنند، هشدار داده بودند، هفته گذشته اعلام کردند که سه شهروند چینی در حمله با طیاره بدون سر نشین که گمان میرود از افغانستان سرچشمه گرفته باشد، کشته شدهاند.
سرویس مطبوعاتی تاجیکستان گزارش داد که رئیس جمهور با روسای نهادهای امنیتی دیدار کرده تا در مورد وضعیت و امکانات تقویت امنیت مرزی گفتگو کند.
سرویس مطبوعاتی خاطرنشان کرد که رحمان اوف «اقدامات غیرقانونی و تحریکآمیز شهروندان افغان را به شدت محکوم کرد و دستور اقدامات مؤثر برای حل مسئله و جلوگیری از تکرار حوادث مشابه را داد.»
طالبان در مورد بیانیه تاجیکستان اظهار نظری نکرد.